ਕਾਜਲ ਅਗਰਵਾਲ ਇੱਕ ਭਾਰਤੀ ਅਦਾਕਾਰਾ ਹੈ ਜਿਸਨੇ ਪ੍ਰਮੁੱਖ ਤੋਰ ਤੇ ਤੇਲੁਗੂ ਅਤੇ ਤਾਮਿਲ ਭਾਸ਼ਾ ਦੀਆਂ ਫ਼ਿਲਮਾਂ ਵਿੱਚ ਪ੍ਰਸਿੱਧੀ ਪ੍ਰਾਪਤ ਕੀਤੀ। ਕਾਜਲ ਦੱਖਣੀ ਭਾਰਤ ਦੇ ਨਾਮਵਰ ਹਸਤੀਆਂ ਵਿਚੋਂ ਇੱਕ ਹੈ। ਕਾਜਲ ਫ਼ਿਲਮਾਂ ਵਿੱਚ ਕੰਮ ਕਰਨ ਤੋਂ ਪਹਿਲਾਂ ਸਟੇਜ ਸ਼ੋਅ ਵਿੱਚ ਵੀ ਹਿੱਸਾ ਲੈਂਦੀ ਸੀ। ਕਾਜਲ ਬਰਾਂਡ ਅਤੇ ਪ੍ਰੋਡਕਟਸ ਲਈ ਮਸ਼ਹੂਰ ਹਸਤੀ ਹੈ ਜਿਸਨੇ ਇਹਨਾਂ ਲਈ ਮਸ਼ਹੂਰੀ ਕੀਤੀ ਹੈ। ਕਾਜਲ ਅਗਰਵਾਲ ਨੇ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ 2004 ਦੀ ਹਿੰਦੀ ਫਿਲਮ ਕਿਉਂ ਹੋ ਗਿਆ ਨਾ… ਨਾਲ ਕੀਤੀ ਸੀ ਅਤੇ ਉਸਦੀ ਪਹਿਲੀ ਤੇਲਗੂ ਫਿਲਮ ਲਕਸ਼ਮੀ ਕਲਿਆਣਮ 2007 ਵਿੱਚ ਰਿਲੀਜ਼ ਹੋਈ। ਉਸੇ ਸਾਲ, ਉਸਨੇ ਬਾਕਸ ਆਫਿਸ ਹਿੱਟ ਚੰਦਮਾਮਾ ਵਿੱਚ ਅਭਿਨੈ ਕੀਤਾ, ਜਿਸ ਨਾਲ ਉਸਨੂੰ ਪਛਾਣ ਮਿਲੀ। 2009 ਦੀ ਇਤਿਹਾਸਕ ਗਲਪ ਤੇਲਗੂ ਫਿਲਮ ਮਗਧੀਰਾ ਨਾਲ ਉਸਦੇ ਕਰੀਅਰ ਵਿੱਚ ਇੱਕ ਮੋੜ ਆਇਆ, ਜਿਸ ਨਾਲ ਉਸ ਦੀ ਆਲੋਚਨਾਤਮਕ ਪ੍ਰਸ਼ੰਸਾ ਹੋਈ। ਇਹ ਹੁਣ ਤੱਕ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਤੇਲਗੂ ਫਿਲਮਾਂ ਵਿੱਚੋਂ ਇੱਕ ਹੈ ਅਤੇ ਸਾਊਥ ਫਿਲਮਫੇਅਰ ਅਵਾਰਡਾਂ ਸਮੇਤ ਕਈ ਅਵਾਰਡ ਸਮਾਰੋਹਾਂ ਵਿੱਚ ਉਸਨੂੰ ਸਰਵੋਤਮ ਅਭਿਨੇਤਰੀ ਲਈ ਨਾਮਜ਼ਦਗੀਆਂ ਪ੍ਰਾਪਤ ਕੀਤੀਆਂ ਉਸਨੇ ਬਾਅਦ ਵਿੱਚ ਤੇਲਗੂ ਫਿਲਮਾਂ ਜਿਵੇਂ ਕਿ ਡਾਰਲਿੰਗ (2010), ਬਿ੍ਰੰਦਾਵਨਮ (2010), ਮਿਸਟਰ ਪਰਫੈਕਟ (2011), ਬਿਜ਼ਨਸਮੈਨ (2012), ਨਾਇਕ (2013), ਬਾਦਸ਼ਾਹ (2013), ਗੋਵਿੰਦੁਦੂ ਅੰਦਾਰਿਵਡੇਲੇ (2014), ਟੈਂਪਰ (2015) ਅਤੇ ਖੈਦੀ ਨੰਬਰ 150 (2017) ਵਿੱਚ ਕੰਮ ਕੀਤਾ। ਕਾਜਲ ਨੇ ਵੱਡੇ ਤਾਮਿਲ ਪ੍ਰੋਜੈਕਟਾਂ ਨਾਨ ਮਹਾਨ ਅੱਲਾ (2010), ਮਾਤਰਾਨ (2012), ਥੁਪੱਕੀ (2012), ਜਿੱਲਾ (2014), ਵਿਵੇਗਮ (2017) ਅਤੇ ਮਰਸਲ (2017) ਵਿੱਚ ਵੀ ਮੁੱਖ ਭੂਮਿਕਾ ਨਿਭਾਈ। ਉਸਨੇ ਸਿੰਘਮ (2011) ਨਾਲ ਹਿੰਦੀ ਸਿਨੇਮਾ ਵਿੱਚ ਵਾਪਸੀ ਕੀਤੀ, ਜੋ ਇੱਕ ਹਿੱਟ ਰਹੀ, ਜਦੋਂ ਕਿ ਇੱਕ ਹੋਰ ਫਿਲਮ ਸਪੈਸ਼ਲ 26 (2013) ਵੀ ਬਾਕਸ ਆਫਿਸ ‘ਤੇ ਸਫਲ ਰਹੀ। 2020 ਵਿੱਚ, ਮੈਡਮ ਤੁਸਾਦ ਸਿੰਗਾਪੁਰ ਵਿੱਚ ਕਾਜਲ ਦੀ ਇੱਕ ਮੋਮ ਦੀ ਮੂਰਤ ਪ੍ਰਦਰਸ਼ਿਤ ਕੀਤੀ ਗਈ, ਅਜਿਹਾ ਕਰਨ ਵਾਲੀ ਉਹ ਦੱਖਣੀ ਭਾਰਤੀ ਸਿਨੇਮਾ ਦੀ ਪਹਿਲੀ ਅਦਾਕਾਰਾ ਸੀ। ਅਗਰਵਾਲ ਦਾ ਜਨਮ ਬੰਬਈ (ਅਜੋਕੇ ਮੁੰਬਈ) ਵਿੱਚ ਵਸੇ ਇੱਕ ਪੰਜਾਬੀ ਪਰਿਵਾਰ ਵਿੱਚ ਹੋਇਆ ਸੀ। ਉਸ ਦੇ ਪਿਤਾ ਸੁਮਨ ਅਗਰਵਾਲ, ਟੈਕਸਟਾਈਲ ਕਾਰੋਬਾਰ ਵਿੱਚ ਇੱਕ ਉੱਦਮੀ ਹਨ ਅਤੇ ਉਸਦੀ ਮਾਂ ਵਿਨੈ ਅਗਰਵਾਲ ਇੱਕ ਮਿਠਾਈ ਦਾ ਕੰਮ ਕਰਦੀ ਹੈ ਅਤੇ ਕਾਜਲ ਦੀ ਕਾਰੋਬਾਰੀ ਪ੍ਰਬੰਧਕ ਵੀ ਹੈ। ਉਸ ਦੀ ਛੋਟੀ ਭੈਣ ਨਿਸ਼ਾ ਅਗਰਵਾਲ ਵੀ ਤੇਲਗੂ ਅਤੇ ਤਾਮਿਲ ਫ਼ਿਲਮਾਂ ਦੀ ਅਭਿਨੇਤਰੀ ਹੈ। ਉਸ ਦੀ ਭੈਣ ਨਿਸ਼ਾ ਦਾ ਵਿਆਹ ਕਰਨ ਵਾਲੇਚਾ (ਮੈਨੇਜਿੰਗ ਡਾਇਰੈਕਟਰ ਗੋਲਡਜ਼ ਜਿਮ, ਏਸ਼ੀਆ) ਨਾਲ ਹੋਇਆ ਹੈ। ਉਸ ਨੇ ਸੇਂਟ ਐਨਜ਼ ਹਾਈ ਸਕੂਲ, ਫੋਰਟ ਵਿੱਚ ਪੜ੍ਹਾਈ ਕੀਤੀ ਅਤੇ ਜੈ ਹਿੰਦ ਕਾਲਜ ਵਿੱਚ ਆਪਣੀ ਪ੍ਰੀ-ਯੂਨੀਵਰਸਿਟੀ ਸਿੱਖਿਆ ਪੂਰੀ ਕੀਤੀ। ਉਸ ਨੇ ਕਿਸ਼ਨਚੰਦ ਚੇਲਾਰਾਮ ਕਾਲਜ ਤੋਂ ਮਾਰਕੀਟਿੰਗ ਅਤੇ ਇਸ਼ਤਿਹਾਰਬਾਜ਼ੀ ਵਿੱਚ ਮੁਹਾਰਤ ਦੇ ਨਾਲ ਮਾਸ ਮੀਡੀਆ ਵਿੱਚ ਆਪਣੀ ਗ੍ਰੈਜੂਏਸ਼ਨ ਕੀਤੀ। ਆਪਣੇ ਵਧਦੇ ਸਾਲਾਂ ਦੌਰਾਨ ਸੁਪਨਿਆਂ ਨੂੰ ਪਾਲਦੇ ਹੋਏ, ਉਹ ਜਲਦੀ ਹੀ ਪੋਸਟ-ਗ੍ਰੈਜੂਏਸ਼ਨ ਡਿਗਰੀ ਪ੍ਰਾਪਤ ਕਰਨ ਦਾ ਇਰਾਦਾ ਰੱਖਦੀ ਹੈ। ਕਾਜਲ ਨੇ ਆਪਣੀ ਫਿਲਮੀ ਕੈਰੀਅਰ ਦੀ ਸ਼ੁਰੂਆਤ 2004 ਵਿੱਚ ਬਾਲੀਵੁੱਡ ਦੀ ਫਿਲਮ ਕਿਓਂ….।ਹੋ ਗਯਾ ਨਾ ਤੋਂ ਕੀਤੀ। ਇਸ ਤੋਂ ਬਾਅਦ ਕਾਜਲ ਨੇ 2009 ਵਿੱਚ ਲਕਸ਼ਮੀ ਕਲMਯਾਨਅਮ ਨਾਂ ਦੀ ਤੇਲਗੂ ਫਿਲਮ ਨਾਲ ਤੇਲਗੂ ਇੰਡਸਟਰੀ ਵਿੱਚ ਪ੍ਰਵੇਸ਼ ਕੀਤਾ। ਕਾਜਲ ਨੇ ਚੰਦਾਮਾਮਾ (2007) ਅਤੇ ਮਗਧੀਰਾ (2009) ਫ਼ਿਲਮਾਂ ਤੋਂ ਬਹੁਤ ਪ੍ਰਸਿੱਧੀ ਪ੍ਰਾਪਤ ਕੀਤੀ ਜਿਹਨਾਂ ਫ਼ਿਲਮਾਂ ਤੋਂ ਉਸਨੂੰ ਵਪਾਰਕ ਸਫ਼ਲਤਾ ਮਿਲੀ ਅਤੇ ਦੱਖਣੀ ਭਾਰਤ ਦੇ ਸਿਨੇਮਾ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਈ। ਫਿਲਮਫ਼ੇਅਰ ਅਵਾਰਡ ਲਈ ਕਾਜਲ ਦਾ ਨਾਂ ਨਾਮਜ਼ਦ ਕੀਤਾ ਗਿਆ। ਕਾਜਲ 2011 ਵਿੱਚ ਬਾਲੀਵੁੱਡ ਵਿੱਚ ਵਾਪਿਸ ਆਈ ਅਤੇ ਉਸਨੇ ‘ਸਿੰਘਮ’ ਫਿਲਮ ਵਿੱਚ ਅਹਿਮ ਭੂਮਿਕਾ ਨਿਭਾਈ। 2013 ਵਿੱਚ ਉਸ ਦੀ ਅਗਲੀ ਫਿਲਮ ‘ਸਪੈਸ਼ਲ 26’ ਆਈ ਜਿਸ ਵਿੱਚ ਕਾਜਲ ਨੇ ਕੰਮ ਕੀਤਾ।