‘‘ਤੁਸੀਂ ਆਪਣੀ ਉਮਰ ਦੇ ਹਿਸਾਬ ਨਾਲ ਖੇਡ ਸਕਦੇ ਹੋ’’ ‘‘ਇਹ ਮੇਰਾ ਹਨੀਮੂਨ ਫੇਜ਼ ਹੈ’’: ਪੂਜਾ ਭੱਟ

52 ਸਾਲ ਦੀ ਹੋ ਚੁੱਕੀ ਅਦਾਕਾਰਾ ਪੂਜਾ ਭੱਟ ਪਿਛਲੇ 35 ਸਾਲਾਂ ਤੋਂ ਫਿਲਮ ਇੰਡਸਟਰੀ ਨਾਲ ਜੁੜੀ ਹੋਈ ਹੈ। ਹਾਲਾਂਕਿ, ਉਹ ਸਾਲ 2020 ਵਿੱਚ ਫਿਲਮ ਸੜਕ 2 ਵਿੱਚ ਨਜ਼ਰ ਆਏ ਸਨ । ਇਸ ਫਿਲਮ ਰਾਹੀਂ ਉਨ੍ਹਾਂ ਨੇ ਬਾਲੀਵੁੱਡ ਫਿਲਮਾਂ ’ਚ ਵਾਪਸੀ ਕੀਤੀ। ਹਾਲਾਂਕਿ ਇਹ ਫਿਲਮ ਬਹੁਤੀ ਸਫਲ ਸਾਬਤ ਨਹੀਂ ਹੋਈ । ਇਸ ਤੋਂ ਬਾਅਦ ਉਨ੍ਹਾਂ ਨੇ ਫਿਰ ਤੋਂ ਐਕਟਿੰਗ ਦੀ ਦੁਨੀਆਂ ਤੋਂ ਬ੍ਰੇਕ ਲੈ ਲਿਆ। ਸਾਲ 2021 ਵਿੱਚ ਰਿਲੀਜ਼ ਹੋਈ ਵੈੱਬ ਸੀਰੀਜ਼ ‘ਬੰਬੇ ਬੇਗਮਜ਼’ ਦੇ ਨਾਲ, ਉਨ੍ਹਾਂ ਨੇ ਓਟੀਟੀ ਦੀ ਦੁਨੀਆਂ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਦੁਬਾਰਾ ਅਦਾਕਾਰੀ ਦੀ ਦੁਨੀਆਂ ਵਿੱਚ ਵਾਪਸੀ ਕੀਤੀ । ਹੁਣ, ਲਗਭਗ 3 ਸਾਲ ਬਾਅਦ, ਪੂਜਾ ਨੇ ਆਪਣੀ ਵਾਪਸੀ ਬਾਰੇ ਗੱਲ ਕੀਤੀ । ਇੰਸਟੈਂਟ ਬਾਲੀਵੁੱਡ ਨਾਲ ਗੱਲ ਕਰਦੇ ਹੋਏ ਪੂਜਾ ਨੇ ਕਿਹਾ ਕਿ ਉਨ੍ਹਾਂ ਨੇ ਫਿਲਮਾਂ ਬਣਾਈਆਂ ਅਤੇ ਪ੍ਰੋਡਿਊਸ ਕੀਤੀਆਂ ਪਰ ਉਹ 21 ਸਾਲਾਂ ਤੱਕ ਕੈਮਰੇ ’ਤੇ ਨਹੀਂ ਆਈ, ਕੈਮਰੇ ਦਾ ਸਾਹਮਣਾ ਨਹੀਂ ਕਰ ਸਕੀ । ਪਰ ਉਹਨਾਂ ਫਿਰ ਤੋਂ ਕੈਮਰੇ ’ਚ ਵਾਪਿਸੀ ਕੀਤੀ ਅਤੇ ਇਸ ਪਲ ਦਾ ਖੂਬ ਆਨੰਦ ਮਾਣਿਆ। ਹੁਣ ਉਹ ਸ਼ੁਕਰਗੁਜ਼ਾਰ ਹੈ ਕਿ ਇਨ੍ਹੀਂ ਦਿਨੀਂ ਦਿਲਚਸਪ ਭੂਮਿਕਾਵਾਂ ਲਿਖੀਆਂ ਜਾ ਰਹੀਆਂ ਹਨ । ਜਿੱਥੇ ਹਰ ਕੋਈ ਆਪਣੀ ਉਮਰ ਦੇ ਹਿਸਾਬ ਨਾਲ ਰੋਲ ਅਦਾ ਕਰ ਸਕਦਾ ਹੈ । ਉਨ੍ਹਾਂ ਨੇ ਆਪਣੀ ਵਾਪਸੀ ਨੂੰ ਆਪਣਾ ਹਨੀਮੂਨ ਪੜਾਅ ਦੱਸਿਆ ਅਤੇ ਕਿਹਾ- ਇਹ ਮੇਰਾ ਹਨੀਮੂਨ ਪੜਾਅ ਹੈ । ਮੈਂ 21 ਸਾਲਾਂ ਤੱਕ ਅਦਾਕਾਰੀ ਨਹੀਂ ਕੀਤੀ ਪਰ ਫਿਲਮਾਂ ਦਾ ਨਿਰਦੇਸ਼ਨ ਅਤੇ ਨਿਰਮਾਣ ਕੀਤਾ । ਪਰ ਮੈਨੂੰ ਕੈਮਰੇ ਦੇ ਸਾਹਮਣੇ ਵਾਪਸ ਲਿਆਂਦਾ ਗਿਆ ਹੈ ਅਤੇ ਮੈਂ ਇਸ ਪੜਾਅ ਦਾ ਦੁਬਾਰਾ ਆਨੰਦ ਲੈ ਰਹੀ ਹਾਂ । ‘ਬਿਗ ਗਰਲਜ਼ ਡੋਂਟ ਕਰਾਈ’ ਨੂੰ ਮੰਨਿਆ ਜਾਂਦਾ ਹੈ ਖਾਸ : ਪੂਜਾ ਭੱਟ ਨੂੰ ਹਾਲ ਹੀ ਵਿੱਚ ਓਟੀਟੀ ਸ਼ੋਅ ‘ਬਿਗ ਗਰਲਜ਼ ਡੋਂਟ ਕਰਾਈ’ ਵਿੱਚ ਵੀ ਦੇਖਿਆ ਗਿਆ ਸੀ, ਜਿਸਨੂੰ ਉਹ ਆਪਣੀ ਵਾਪਸੀ ਦਾ ਮੁੱਖ ਹਿੱਸਾ ਮੰਨਦੀ ਹੈ ਅਤੇ ਉਨ੍ਹਾਂ ਨੇ ਇਸ ਬਾਰੇ ਗੱਲ ਕੀਤੀ ਕਿ ਕਿਵੇਂ ਓਟੀਟੀ ਪਲੇਟਫਾਰਮ ਕਲਾਕਾਰਾਂ ਲਈ ਨਵੇਂ ਵਿਕਲਪ ਖੋਲ੍ਹ ਰਹੇ ਹਨ । ਜਦੋਂ ਕਿ ਇੱਕ ਸਮਾਂ ਸੀ ਜਦੋਂ ਫਿਲਮ ਵਿੱਚ ਨਾਇਕ, ਹੀਰੋਇਨ, ਖਲਨਾਇਕ ਅਤੇ ਨਾਇਕ ਦੇ ਦੋਸਤ ਲਈ ਹੀ ਥਾਂ ਹੁੰਦੀ ਸੀ।