ਸ਼੍ਰੀਲੰਕਾ ਨੂੰ ਤਬਾਹ ਕਰਨ ਵਾਲੇ ਸਾਬਕਾ ਰਾਸ਼ਟਰਪਤੀ ਗੋਟਾਬਾਯਾ ਕਿੱਥੇ ਹਨ ਤੇ ਕਿਸ ਯੋਜਨਾ ‘ਤੇ ਕਰ ਰਹੇ ਹਨ ਕੰਮ

ਕੋਲੰਬੋ – ਸਾਬਕਾ ਰਾਸ਼ਟਰਪਤੀ ਗੋਟਾਬਾਯਾ ਰਾਜਪਕਸ਼ੇ, ਜੋ ਆਪਣੀ ਪਤਨੀ, ਪੁੱਤਰ ਅਤੇ ਦੋ ਅੰਗ ਰੱਖਿਅਕਾਂ ਨਾਲ ਸ਼੍ਰੀਲੰਕਾ ਤੋਂ ਭੱਜ ਗਿਆ ਸੀ, ਹੁਣ ਅਮਰੀਕਾ ਦਾ ਗ੍ਰੀਨ ਕਾਰਡ ਧਾਰਕ ਬਣਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਸ਼੍ਰੀਲੰਕਾ ਛੱਡਣ ਤੋਂ ਪਹਿਲਾਂ ਉਹ ਮਾਲਦੀਵ ਭੱਜ ਗਿਆ ਸੀ। ਇਸ ਤੋਂ ਬਾਅਦ ਉਹ ਸਿੰਗਾਪੁਰ ਭੱਜ ਗਿਆ ਅਤੇ ਹੁਣ ਉਹ ਸਿੰਗਾਪੁਰ ਛੱਡ ਕੇ ਥਾਈਲੈਂਡ ਦੀ ਰਾਜਧਾਨੀ ਬੈਂਕਾਕ ਦੇ ਇੱਕ ਹੋਟਲ ਵਿੱਚ ਹੈ। ਇਹ ਉਹ ਥਾਂ ਹੈ ਜਿੱਥੇ ਗੋਟਾਬਾਯਾ ਅਮਰੀਕਾ ਵਿੱਚ ਗ੍ਰੀਨ ਕਾਰਡ ਹੋਲਡਰ ਬਣਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਸ ਦੇ ਵਕੀਲ ਲੰਬੇ ਸਮੇਂ ਤੋਂ ਇਸ ਦਿਸ਼ਾ ਵਿੱਚ ਕੰਮ ਕਰ ਰਹੇ ਹਨ। ਗੋਟਾਬਾਯਾ ਦੇਸ਼ ਵਿੱਚ ਉਸ ਦੇ ਖ਼ਿਲਾਫ਼ ਹਿੰਸਕ ਪ੍ਰਦਰਸ਼ਨਾਂ ਤੋਂ ਬਾਅਦ ਦੇਸ਼ ਛੱਡ ਕੇ ਭੱਜ ਗਿਆ ਸੀ।
ਸੀ੍ਰਲੰਕਾ ਦੀ ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਗੋਟਾਬਾਯਾ ਦੀ ਅਪੀਲ ਨੂੰ ਅਜੇ ਮਨਜ਼ੂਰ ਨਹੀਂ ਕੀਤਾ ਗਿਆ । ਰਿਪੋਰਟ ‘ਚ ਇਹ ਵੀ ਕਿਹਾ ਗਿਆ ਹੈ ਕਿ ਗੋਟਾਬਾਯਾ ਦੇ ਵਕੀਲ ਨੇ ਜੁਲਾਈ ‘ਚ ਹੀ ਗ੍ਰੀਨ ਕਾਰਡ ਹਾਸਲ ਕਰਨ ਦੀ ਕਵਾਇਦ ਸ਼ੁਰੂ ਕਰ ਦਿੱਤੀ ਸੀ। ਉਨ੍ਹਾਂ ਦੀ ਪਤਨੀ ਲੋਮਾ ਰਾਜਪਕਸ਼ੇ ਅਮਰੀਕਾ ਦੀ ਨਾਗਰਿਕ ਹੈ, ਇਸ ਲਈ ਉਹ ਵੀ ਗ੍ਰੀਨ ਕਾਰਡ ਲੈਣ ਦੀ ਹੱਕਦਾਰ ਹੈ। ਗੋਟਾਬਾਯਾ ਨੇ ਫ਼ੌਜ ਤੋਂ ਵਲੰਟੀਅਰ ਰਿਟਾਇਰਮੈਂਟ ਲੈਣ ਤੋਂ ਪਹਿਲਾਂ ਆਈਟੀ ਸੈਕਟਰ ਵਿੱਚ ਆਪਣਾ ਹੱਥ ਅਜ਼ਮਾਇਆ। ਇਸ ਤੋਂ ਬਾਅਦ 1998 ‘ਚ ਉਹ ਅਮਰੀਕਾ ‘ਚ ਸੈਟਲ ਹੋ ਗਿਆ। ਉਹ ਸਾਲ 2005 ਵਿੱਚ ਸ੍ਰੀਲੰਕਾ ਵਾਪਸ ਆਇਆ ਅਤੇ 2019 ਵਿੱਚ ਉਸਨੇ ਸ੍ਰੀਲੰਕਾ ਵਿੱਚ ਚੋਣ ਲੜੀ। ਸ਼੍ਰੀਲੰਕਾ ਦੀ ਮੀਡੀਆ ਰਿਪੋਰਟ ‘ਚ ਇੱਥੋਂ ਤੱਕ ਕਿਹਾ ਗਿਆ ਹੈ ਕਿ ਕੋਲੰਬੋ ‘ਚ ਮੌਜੂਦ ਉਨ੍ਹਾਂ ਦੇ ਵਕੀਲ ਨੇ ਗ੍ਰੀਨ ਕਾਰਡ ਹਾਸਲ ਕਰਨ ਲਈ ਗੋਟਾਬਾਯਾ ਦੇ ਕੁਝ ਹੋਰ ਦਸਤਾਵੇਜ਼ ਉਥੇ ਭੇਜੇ ਹਨ।
ਪਹਿਲਾਂ ਉਹ 25 ਅਗਸਤ ਨੂੰ ਸ਼੍ਰੀਲੰਕਾ ਪਰਤਣ ਦੀ ਵੀ ਯੋਜਨਾ ਬਣਾ ਰਿਹਾ ਸੀ ਪਰ ਬਾਅਦ ਵਿੱਚ ਉਸ ਨੇ ਇਸ ਨੂੰ ਰੱਦ ਕਰ ਦਿੱਤਾ। ਫਿਲਹਾਲ, ਉਹ ਨਵੰਬਰ ਤਕ ਬੈਂਕਾਕ ਵਿੱਚ ਰਹਿਣ ਦੀ ਯੋਜਨਾ ਬਣਾ ਰਿਹਾ ਹੈ। ਉਹ ਇੱਥੋਂ ਸਿੱਧਾ ਅਮਰੀਕਾ ਦਾ ਰਾਹ ਫੜਨਾ ਚਾਹੁੰਦੇ ਹਨ। ਕੁਝ ਸਮਾਂ ਪਹਿਲਾਂ ਗੋਟਾਬਾਯਾ ਨੇ ਸ਼੍ਰੀਲੰਕਾ ਵਾਪਸ ਆਉਣ ਲਈ ਆਪਣੇ ਵਕੀਲ ਨਾਲ ਵੀ ਸੰਪਰਕ ਕੀਤਾ ਸੀ। ਪਰ ਸ਼੍ਰੀਲੰਕਾ ਆਉਣ ਤੋਂ ਬਾਅਦ ਉਸ ਨੂੰ ਦੁਬਾਰਾ ਥਾਈਲੈਂਡ ਜਾਣ ਦੀ ਇਜਾਜ਼ਤ ਨਹੀਂ ਹੈ।
ਵਕੀਲ ਦੀ ਇਸ ਸਲਾਹ ਤੋਂ ਬਾਅਦ, ਉਸ ਨੇ ਆਪਣੀ ਵਾਪਸੀ ਦੀ ਯੋਜਨਾ ਨੂੰ ਰੱਦ ਕਰ ਦਿੱਤਾ। ਵਕੀਲ ਮੁਤਾਬਕ ਇੱਥੇ ਉਸ ਦੀ ਸੁਰੱਖਿਆ ਨੂੰ ਵੀ ਖ਼ਤਰਾ ਹੋ ਸਕਦਾ ਹੈ। ਬੈਂਕਾਕ ਵਿੱਚ ਵੀ ਪੁਲਿਸ ਨੇ ਸੁਰੱਖਿਆ ਕਾਰਨਾਂ ਕਰਕੇ ਉਨ੍ਹਾਂ ਨੂੰ ਬਾਹਰ ਨਾ ਨਿਕਲਣ ਲਈ ਕਿਹਾ ਹੈ। ਸੁਰੱਖਿਆ ਕਾਰਨਾਂ ਕਰਕੇ ਉਹ ਜਿਸ ਹੋਟਲ ਵਿਚ ਠਹਿਰਿਆ ਹੈ, ਉਸ ਦੀ ਸਥਿਤੀ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਸਪੈਸ਼ਲ ਬਰਾਂਚ ਬਿਊਰੋ ਦੇ ਸੁਰੱਖਿਆ ਅਧਿਕਾਰੀ ਸਾਦੇ ਕੱਪੜਿਆਂ ‘ਚ ਉਨ੍ਹਾਂ ਦੀ ਸੁਰੱਖਿਆ ਲਈ ਹੋਟਲ ‘ਚ ਤਾਇਨਾਤ ਕੀਤੇ ਗਏ ਹਨ।