ਨਵੀਂ ਦਿੱਲੀ – ਭਾਰਤੀ ਰੇਲਵੇ ਹੁਣ ਜਲਦ ਹੀ ਸੂਰਜੀ ਊਰਜਾ ਨਾਲ ਚੱਲਦੀ ਹੋਈ ਨਜ਼ਰ ਆਵੇਗੀ। ਸੂਰਜੀ ਊਰਜਾ ਦੀ ਸਿੱਧੀ ਸਪਲਾਈ ਨਾਲ ਦੋ ਅਰਬ ਯਾਤਰੀ ਪ੍ਰਣਾਲੀ ਨਾਲ ਚੱਲਣ ਵਾਲੀਆਂ ਟਰੇਨਾਂ ’ਚ ਯਾਤਰਾ ਕਰ ਸਕਣਗੇ, ਜਦਕਿ ਸਾਲਾਨਾ ਲਗਪਗ 70 ਲੱਖ ਟਨ ਕਾਰਬਨ ਵਿਕਾਸ ’ਚ ਕਮੀ ਆਵੇਗੀ। ਗੈਰ ਸਰਕਾਰੀ ਸੰਗਠਨ ਕਲਾਈਮੇਟ ਟ੍ਰੈਂਡਸ ਤੇ ਬ੍ਰਿਟੇਨ ’ਚ ਹੋਈ ਉਦਯੋਗਿਕ ਸਟਾਰਟਅੱਪ ਰਾਈਡਿੰਗ ਸਨਬੀਮਸ ਦੇ ਅਧਿਐਨ ’ਚ ਕਿਹਾ ਗਿਆ ਹੈ ਕਿ ਗ੍ਰਿੱਡ ਦੇ ਮਾਧਿਅਮ ਨਾਲ ਜੁੜੇ ਬਿਨਾਂ ਭਾਰਤੀ ਰੇਲਵੇ ਲਾਈਨਾਂ ਨੂੰ ਸੂਰਜੀ ਊਰਜਾ ਦੀ ਸਿੱਧੀ ਸਪਲਾਈ ਔਸਤਨ ਚਾਰ ’ਚ ਇਕ ਟਰੇਨ ਨੂੰ ਪ੍ਰਤੀਯੋਗੀ ਦਰਾਂ ’ਤੇ ਊਰਜਾ ਪ੍ਰਦਾਨ ਕਰੇਗੀ।
ਅਧਿਐਨ ਅਨੁਸਾਰ ਭਾਰਤੀ ਰੇਲਵੇ ਦੇ ਸਾਲ 2019-20 ਦੀ ਰਿਪੋਰਟ ਅਨੁਸਾਰ ਉਸ ਮਿਆਦ ’ਚ 8 ਅਰਬ ਤੋਂ ਜ਼ਿਆਦਾ ਯਾਤਰੀਆਂ ਦੀ ਅਵਾਜਾਈ ਹੋਈ। ਇਸ ਦਾ ਅਰਥ ਇਹ ਹੋਇਆ ਕਿ ਦੋ ਅਰਬ ਲੋਕ ਸਿੱਧੇ ਸੂਰਜੀ ਊਰਜਾ ਨਾਲ ਚੱਲਣ ਵਾਲੀਆਂ ਟਰੇਨਾਂ ’ਚ ਯਾਤਰਾ ਕਰ ਸਕਦੇ ਹਨ। ਅਧਿਐਨ ’ਚ ਕਿਹਾ ਗਿਆ ਹੈ ਕਿ ਭਾਰਤੀ ਰੇਲਵੇ ਨੂੰ ਸਾਲ 2030 ਤਕ ਜ਼ੀਰੋ ਕਾਰਬਨ ਉਤਸਰਜਨਕ ਬਣਾਉਣ ਲਈ ਪ੍ਰਦਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਤੈਅ ਟੀਚੇ ਨੂੰ ਪੂਰਾ ਕਰਨ ਲਈ ਬਿਜਲੀ ਕਰਨ, ਊਰਜਾ ਕੁਸ਼ਲਤਾ ਤੇ ਨਵਿਆਉਣਯੋਗ ਊਰਜਾ ਦੇ ਮਿਸ਼ਰਣ ਦੀ ਜ਼ਰੂਰਤ ਹੋਵੇਗੀ। ਨਵੇਂ ਵਿਸ਼ਲੇਸ਼ਣ ’ਚ ਇਸ ਗੱਲ ’ਤੇ ਪ੍ਰਕਾਸ਼ ਪਾਇਆ ਗਿਆ ਹੈ ਕਿ ਇਸ ਨਵੀਂ ਊਰਜਾ ਸਮਰਥਾ ਦਾ ਲਗਪਗ ਇਕ ਚੌਥਾਈ ਯਾਨੀ 5,272 ਮੇਗਾਵਾਟ ਤਕ ਰੇਲਵੇ ਦੀ ਓਵਰਹੇਡ ਲਾਈਨਾਂ ’ਚ ਫੀਡ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਊਰਜਾ ਦਾ ਨੁਕਸਾਨ ਰੋਕਣ ਤੇ ਰੇਲਵੇ ਲਈ ਧੰਨ ਦੀ ਬਚਤ ’ਚ ਵੀ ਮਦਦ ਮਿਲੇਗੀ। ਖੋਜਕਰਤਾਵਾਂ ਨੇ ਪਾਇਆ ਕਿ ਕੋਇਲੇ ’ਤੇ ਨਿਰਭਰ ਗ੍ਰਿੱਡ ਸਪਲਾਈ ਕੀਤੀ ਗਈ ਊਰਜਾ ਦੀ ਬਜਾਏ ਸੂਰਜੀ ਊਰਜਾ ਦੀ ਸਪਲਾਈ ਨਾਲ ਹਰ ਸਾਲ 68 ਲੱਖ ਟਨ ਕਾਰਬਨ ਡਾਈਆਕਸਾਈਡ ਦੇ ਉਤਸਰਜਨ ’ਚ ਕਟੌਤੀ ਹੋ ਸਕਦੀ ਹੈ।