ਲੰਡਨ – ਯੂਕੇ ਦੂਸਰੇ ਦੇਸ਼ਾਂ ਤੋਂ ਵਾਪਸ ਪਰਤਨ ਵਾਲੇ ਲੋਕਾਂ ਲਈ ਇਸ ਮਹੀਨੇ ਦੇ ਅੰਤ ਤਕ ਲਾਜ਼ਮੀ ਪੀਸੀਆਰ ਟੈਸਟ ਰਿਪੋਰਟ ਦੀ ਮਾਨਤਾ ਖਤਮ ਕਰ ਦੇਵੇਗਾ, ਜਿਨ੍ਹਾਂ ਦਾ ਪੂਰਨ ਟੀਕਾਕਰਨ ਕੀਤਾ ਜਾ ਚੁੱਕਾ ਹੈ। ਬ੍ਰਿਟੇਨ ਦੇ ਟਰਾਂਸਪੋਰਟ ਮੰਤਰੀ ਗ੍ਰਾਂਟ ਸ਼ੈਪਸ ਦੇ ਕਰੀਬੀ ਸੂਤਰ ਦੇ ਹਵਾਲੇ ਨਾਲ ਦਿ ਟਾਈਮਜ਼ ਨੇ ਐਤਵਾਰ ਨੂੰ ਇਹ ਗੱਲ ਕਹੀ।
ਮੀਡੀਆ ਦੇ ਮੁਤਾਬਕ ਸੂਤਰਾਂ ਨੇ ਦੱਸਿਆ ਕਿ ਇਸ ਮਹੀਨੇ ਦੇ ਅੰਤ ਤਕ ਪੂਰਨ ਟੀਕਾਕਰਨ ਵਾਲਿਆ ਦੇ ਲਈ ਵਾਪਸ ਪਰਤਨ ਤੇ ਪੀਸੀਆਰ ਟੈਸਟ ਦੀ ਰਿਪੋਰਟ ਦਾ ਜ਼ਰੂਰੀ ਹੋਣਾ ਇਸ ਨਿਯਮ ਨੂੰ ਖਤਮ ਕਰਨ ਉਪਰ ਵਿਚਾਰ ਕੀਤਾ ਜਾ ਰਿਹੈ। ਹੋ ਸਕਦਾ ਹੈ ਕਿ ਜਨਵਰੀ ਤੋਂ ਪਹਿਲੇ ਇ ਪਲਾਨ ਬਾਰੇ ਹੋਈ ਵਿਚਾਰ ਕੀਤਾ ਜਾਵੇ।
ਅਖਬਾਰ ਦੇ ਮੁਤਾਬਕ ਇਸ ਕਦਮ ਨਾਲ ਬ੍ਰਿਟਿਸ਼ ਪਰਿਵਾਰ ਨੂੰ ਸੈਂਕੜੇ ਪੌਂਡ ਦਾ ਬਚਤ ਹੋਵੇਗੀ। ਇਸ ਨਾਲ ਸੈਰ ਸਪਾਟਾ ਉਦਯੋਗ ਨੂੰ ਵੀ ਮੁੜ ਪਟਰੀ ਤੇ ਲਿਆਉਣ ਦੀ ਮਦਦ ਮਿਲੇਗੀ। ਪੂਰਨ ਟੀਕਾਕਰਨ ਹੋਏ ਲੋਕਾਂ ਲਈ ਲਾਜ਼ਮੀ ਪੀਸੀਆਰ ਟੈਸਟ ਦਾ ਹੋਣਾ ਨਿਯਮ ਨੂੰ ਖਤਮ ਕਰਨ ਦੇ ਨਾਲ ਹੋਰ ਪਾਬੰਦੀਆਂ ਤੇ ਵੀ ਢਿੱਲ ਮਿਲ ਸਕਦੀ ਹੈ। ਇਸ ਨਾਲ ਦੁਕਾਨਾਂ ਤੇ ਟਾਰਂਸਪੋਰਟ ਨੂੰ ਸ਼ੁਰੂ ਕਰਨਾ ਫੇਸ ਮਾਸਕ ਨੂੰ ਨਾ ਪਹਿਨਣਾ ਆਦਿ ਖਤਮ ਕਰਨਾ ਸ਼ਾਮਲ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਕ੍ਰਿਸਮਸ ਤੋਂ ਪਹਿਲਾਂ ਬ੍ਰਿਟੇਨ ਵਿਚ ਕੋਰੋਨਾ ਦੇ ਮਾਮਲਿਆਂ ਵਿਚ ਉਛਾਲ ਆਇਆ ਸੀ। 7 ਦਸੰਬਰ ਨੂੰ, ਅਧਿਕਾਰੀਆਂ ਨੇ ਦੇਸ਼ ਵਿਚ ਦਾਖਲ ਹੋਣ ਵਾਲੇ 12 ਸਾਲ ਤੋਂ ਵੱਧ ਉਮਰ ਦੇ ਸਾਰੇ ਵਿਅਕਤੀਆਂ ਲਈ ਨਵੇਂ ਓਮੀਕ੍ਰੋਨ ਇਨਫੈਕਸ਼ਨ ਫੈਲਣ ਦੇ ਵਿਚਕਾਰ ਕੋਵਿਡ -19 ਲਈ ਟੈਸਟਿੰਗ ਦੀ ਨੈਗੇਟਿਵ ਰਿਪੋਰਟ ਜਮ੍ਹਾਂ ਕਰਾਉਣਾ ਲਾਜ਼ਮੀ ਕਰ ਦਿੱਤਾ। ਇਨ੍ਹਾਂ ਨਿਯਮਾਂ ਦੇ ਅਨੁਸਾਰ, ਸਾਰੇ ਯਾਤਰੀਆਂ ਨੂੰ ਉਨ੍ਹਾਂ ਦੇ ਪਹੁੰਚਣ ਤੋਂ 48 ਘੰਟੇ ਪਹਿਲਾਂ ਨੈਗੇਟਿਵ ਪੀਸੀਆਰ ਟੈਸਟ ਜਮ੍ਹਾ ਕਰਵਾਉਣਾ ਪੈਂਦਾ ਸੀ।
8 ਦਸੰਬਰ ਨੂੰ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਹਨਸਨ ਨੇ ਐਲਾਨ ਕੀਤਾ ਕਿ ਦੇਸ਼ ਪਲਾਨ ਬੀ ਦਾ ਸ਼ੁਰੂਆਤ ਕਰੇਗਾ। ਇਸ ਦੌਰਾਨ ਲੋਕਾਂ ਨੂੰ ਘਰਾਂ ਤੋਂ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ ਗਿਆ ਤੇ ਮਾਸਕ ਜ਼ਰੂਰੀ ਕਰ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਜਨਤਕ ਥਾਵਾਂ ਤੇ ਟੀਕਾਕਰਨ ਦੀ ਪੁਸ਼ਟੀ ਕਰਨ ਵਾਲਾ ਕੋਰੋਨਾ ਸਰਟੀਫਿਕੇਟ ਲਾਜ਼ਮੀ ਹੈ।
ਇਸ ਵਿਚ ਉਹਨਾਂ ਲੋਕਾਂ ਦੀ ਰੋਜ਼ਾਨਾ ਜਾਂਚ ਦੀ ਵੀ ਲੋੜ ਹੁੰਦੀ ਹੈ ਤਾਂ ਜੇ ਸ਼ਾਇਦ ਉਹ ਲੋਕ ਕੋਰੋਨਵਾਇਰਸ ਪਾਜ਼ੇਟਿਵ ਦੇ ਸੰਪਰਕ ਵਿਚ ਆਏ ਹੋਣ ਤਾਂ ਇਸ ਦੀ ਪੁਸ਼ਟੀ ਹੋ ਸਕੇ0। ਕੁਝ ਦਿਨਾਂ ਬਾਅਦ, ਬ੍ਰਿਟਿਸ਼ ਏਅਰਲਾਈਨਜ਼ ਨੇ ਜੌਹਨਸਨ ਨੂੰ ਪੂਰੀ ਤਰ੍ਹਾਂ ਟੀਕਾਕਰਨ ਵਾਲੇ ਯਾਤਰੀਆਂ ਲਈ ਲਾਜ਼ਮੀ COVID-19 ਟੈਸਟਾਂ ਨੂੰ ਖਤਮ ਕਰਨ ਲਈ ਕਿਹਾ।