ਰਾਜੌਰੀ – ਸਰਹੱਦੀ ਜ਼ਿਲ੍ਹਾ ਰਾਜੌਰੀ ਦੀ ਤਹਿਸੀਲ ਥੰਨਾ ਮੰਡੀ ਦੇ ਪਿੰਡ ਅਜਮਤਾਬਾਦ ’ਚ ਜੰਮੂ-ਕਸ਼ਮੀਰ ਪੁਲਿਸ, ਐੱਸ.ਓ.ਜੀ. ਤੇ ਫੌਜ ਦੀ 61 ਆਰ.ਆਰ. ਵਲੋਂ ਗੁਪਤ ਸੂਚਨਾ ਦੇ ਆਧਾਰ ’ਤੇ ਇਕ ਅੱਤਵਾਦੀ ਟਿਕਾਣੇ ਤੋਂ ਭਾਰੀ ਮਾਤਰਾ ’ਚ ਗੋਲਾ-ਬਾਰੂਦ ਬਰਾਮਦ ਕੀਤਾ ਗਿਆ। ਟਿਕਾਣੇ ਤੋਂ 8 ਆਈ. ਈ. ਡੀ., 2 ਵਾਇਰਲੈੱਸ ਸੈੱਟ ਅਤੇ ਏ.ਕੇ. ਅਸਾਲਟ ਰਾਈਫਲ ਦਾ ਗੋਲਾ-ਬਾਰੂਦ ਜੰਗ ਲੱਗੀ ਹਾਲਤ ’ਚ ਬਰਾਮਦ ਕੀਤਾ ਗਿਆ। ਇਸ ਨਾਲ ਇਸ ਗੱਲ ਦਾ ਪਤਾ ਲੱਗਦਾ ਹੈ ਕਿ ਇਹ ਗੋਲਾ-ਬਾਰੂਦ ਕਾਫੀ ਪੁਰਾਣਾ ਹੈ। ਜੰਮੂ-ਕਸ਼ਮੀਰ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।