ਟੋਕੀਓ – ਯੂਰਪ ਵਿੱਚ Monkeypox ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ ਪਰ ਅਮਰੀਕੀ ਰਾਸ਼ਟਰਪਤੀ ਜੋ ਬਾਇਡਨ ਇਸ ਨੂੰ ਰੋਕਣ ਲਈ ਸਖ਼ਤ ਕਦਮ ਚੁੱਕਣ ਦੀ ਫਿਲਹਾਲ ਲੋੜ ਮਹਿਸੂਸ ਨਹੀਂ ਕਰਦੇ। ਰਾਸ਼ਟਰਪਤੀ ਬਾਇਡਨ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਅਜੇ ਤੱਕ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਫੈਲ ਰਹੇ Monkeypox ਲਈ ਸਖ਼ਤ ਕਦਮ ਚੁੱਕਣ ਦੀ ਲੋੜ ਮਹਿਸੂਸ ਨਹੀਂ ਕੀਤੀ ਹੈ। ਉਸ ਨੇ Monkeypox ਦੀ ਤੁਲਨਾ ਕਰੋਨਾ ਮਹਾਂਮਾਰੀ ਨਾਲ ਕੀਤੀ ਅਤੇ ਕਿਹਾ, ‘ਮੈਨੂੰ ਨਹੀਂ ਲੱਗਦਾ ਕਿ Monkeypox ਵਾਇਰਸ ਚਿੰਤਾ ਦੇ ਪੱਧਰ ਤੱਕ, ਕੋਵਿਡ -19 ਮਹਾਂਮਾਰੀ ਦੇ ਪੱਧਰ ਤੱਕ ਵਧ ਸਕਦਾ ਹੈ।
Monkeypox ਦੀ ਪਛਾਣ ਅਫ਼ਰੀਕਾ ਤੋਂ ਬਾਹਰ ਘੱਟ ਹੀ ਕੀਤੀ ਜਾਂਦੀ ਹੈ। ਪਰ ਸ਼ੁੱਕਰਵਾਰ ਤੱਕ ਇਸ ਦੇ ਵਿਸ਼ਵ ਭਰ ਵਿੱਚ 80 ਪੁਸ਼ਟੀ ਕੀਤੇ ਕੇਸ ਸਨ। ਇਨ੍ਹਾਂ ਵਿੱਚੋਂ ਘੱਟੋ-ਘੱਟ ਦੋ ਅਤੇ ਹੋਰ 50 ਸ਼ੱਕੀ ਮਾਮਲੇ ਅਮਰੀਕਾ ਵਿੱਚ ਪਾਏ ਗਏ। ਐਤਵਾਰ ਨੂੰ ਦੱਖਣੀ ਫਲੋਰੀਡਾ ਦੇ ਬ੍ਰੋਵਾਰਡ ਕਾਉਂਟੀ ਵਿੱਚ Monkeypox ਦੇ ਇੱਕ ਸੰਭਾਵਿਤ ਮਾਮਲੇ ਦੀ ਵੀ ਜਾਂਚ ਕੀਤੀ ਜਾ ਰਹੀ ਸੀ।
ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਬਾਇਡਨ ਨੇ ਕਿਹਾ ਕਿ ਯੂਰਪ ਅਤੇ ਅਮਰੀਕਾ ਵਿੱਚ Monkeypox ਦੇ ਹਾਲ ਹੀ ਦੇ ਮਾਮਲਿਆਂ ਬਾਰੇ ਚਿੰਤਾ ਕਰਨ ਦੀ ਲੋੜ ਹੈ। ਪਹਿਲੀ ਵਾਰ ਇਸ ਬਿਮਾਰੀ ‘ਤੇ ਜਨਤਕ ਤੌਰ ‘ਤੇ ਟਿੱਪਣੀ ਕਰਦਿਆਂ ਬਿਡੇਨ ਨੇ ਕਿਹਾ ਕਿ ਚਿੰਤਾ ਦੀ ਗੱਲ ਇਹ ਹੈ ਕਿ ਜੇਕਰ ਇਹ ਲਾਗ ਫੈਲਦੀ ਹੈ ਤਾਂ ਇਸ ਦੇ ਨਤੀਜੇ ਭੁਗਤਣੇ ਪੈਣਗੇ।
ਸ਼ਨੀਵਾਰ ਨੂੰ, ਵਿਸ਼ਵ ਸਿਹਤ ਸੰਗਠਨ (WHO) ਨੇ 11 ਦੇਸ਼ਾਂ ਵਿੱਚ Monkeypox ਦੇ 80 ਮਾਮਲਿਆਂ ਦੀ ਪੁਸ਼ਟੀ ਕੀਤੀ। ਜ਼ਿਕਰਯੋਗ ਹੈ ਕਿ WHO ਇਸ ਨਵੀਂ ਬਿਮਾਰੀ ਦੇ ਕਾਰਨਾਂ ਅਤੇ ਇਸਦੇ ਖ਼ਤਰਿਆਂ ਅਤੇ ਰੋਕਥਾਮ ਬਾਰੇ ਖੋਜ ਕਰ ਰਿਹਾ ਹੈ ਤਾਂ ਜੋ ਇਸਦੇ ਪਿੱਛੇ ਦੇ ਕਾਰਨਾਂ ਦੇ ਨਾਲ-ਨਾਲ ਜ਼ੋਖ਼ਮਾਂ ਦਾ ਪਤਾ ਲਗਾਇਆ ਜਾ ਸਕੇ। ਵੀਰਵਾਰ ਨੂੰ ਜਾਰੀ ਇੱਕ ਬਿਆਨ ਵਿੱਚ, WHO ਨੇ ਕਿਹਾ ਕਿ ਇਹ ਵਾਇਰਸ ਸਥਾਨਕ ਹੈ, ਜੋ ਕੁਝ ਦੇਸ਼ਾਂ ਦੇ ਜਾਨਵਰਾਂ ਵਿੱਚ ਮੌਜੂਦ ਹੈ। ਇਸ ਕਾਰਨ ਇਹ ਲਾਗ ਸਥਾਨਕ ਸੈਲਾਨੀਆਂ ਅਤੇ ਲੋਕਾਂ ਵਿਚਕਾਰ ਹੀ ਫੈਲਦੀ ਹੈ।
previous post