ਉੱਚੀ-ਲੰਮੀ, ਪਤਲੀ ਤੇ ਪਿਆਰੀ ਦਿੱਖ ਵਾਲੀ, ਖੂਬਸੂਰਤ-ਆਕਰਸ਼ਕ ਕੁੜੀ ਮਨਿੰਦਰ ਕੌਰ ਗਿੱਲ ਨੇ ਪੰਜਾਬੀ ਫ਼ਿਲਮਾਂ ‘ਚ ਹੀਰੋਇਨ ਵਜੋਂ ਪ੍ਰਵੇਸ਼ ਕਰ ਲਿਆ ਹੈ । ਬਲਵਿੰਦਰ ਸਿੰਘ ਦੀ ਲਾਡਾਂ ਨਾਲ ਪਲੀ ਇਹ ਪੰਜਾਬਣ ਧੀ ਬਚਪਨ ਤੋਂ ਹੀ ਫਿਲਮੀ ਖੇਤਰ ‘ਚ ਆਉਣ ਦੇ ਸੁਪਨੇ ਵਿਹੰਦੀ ਸੀ । ਸਕੂਲ ਤੇ ਕਾਲਿਜ ‘ਚ ਸੱਭਿਆਚਾਰਕ ਸਮਾਰੋਹਾਂ ‘ਚ ਭਾਗ ਲੈਂਦੀ ਮਨਿੰਦਰ ਕੋਰ ਨੇ ਉੱਚ-ਪੜ੍ਹਾਈ ਕੀਤੀ ਪਰ ਸੌਂਕ ਨੇ ਉਸਨੂੰ ਪ੍ਰਿੰਟ-ਸੂਟ ਖੇਤਰ ‘ਚ ਜਾਣੀ-ਪਛਾਣੀ ਮਾਡਲ ਬਣਾ ਦਿੱਤਾ । ਇਸ ਦੌਰਾਨ ਸਾਊਥ ਚੋਂ ਅਨੇਕਾਂ ਪ੍ਰਸਤਾਵ ਉਸਨੂੰ ਮਿਲੇ ਪਰ ਮਨਿੰਦਰ ਕੌਰ ਚਾਹੁੰਦੀ ਸੀ ਕਿ ਉਹ ਸ਼ੁਰੂਆਤ ਆਪਣੀ ਭਾਸ਼ਾ ਦੇ ਸਿਨੇਮੇ ਤੋਂ ਕਰੇ । ਮਨਿੰਦਰ ਕੌਰ ਗਿੱਲ ਨੂੰ ਅਚਾਨਕ ਮੀਟਿੰਗ ‘ਚ ਨਿਰਦੇਸ਼ਕ ਸ਼ਸ਼ੀਰਾਜ ਨੇ ਤੱਕਿਆ ਤਾਂ ਉਸ ਨਾਲ ਆਪਣੀ ਫ਼ਿਲਮ ‘ਵਿਆਹ ਦੇ ਵਾਜੇ’ ਦੀ ਗੱਲ ਕੀਤੀ । ‘ਵਿਆਹ ਦੇ ਵਾਜੇ’ ‘ਚ ਮਨਿੰਦਰ ਦਾ ਕਿਰਦਾਰ ਵੱਖਰਾ ਤੇ ਰੁਮਾਂਟਿਕ ਹੈ । ਉਹ ਖੁਸ਼ ਹੈ ਕਿ ਇਸ ਫਿਲਮ ‘ਚ ਚੋਟੀ ਦੇ ਅਦਾਕਾਰਾਂ ਨਾਲ ਉਸਨੂੰ ਕੰਮ ਕਰਨ ਦਾ ਮੌਕਾ ਮਿਲ ਰਿਹਾ ਹੈ । ਡਾਂਸ, ਐਕਸ਼ਨ, ਡਰਾਈਵਿੰਗ ਤੇ ਹੋਰ ਸਭ ਹੀਰੋਇਨ ਬਣਨ ਦੇ ਗੁਣ ਮਨਿੰਦਰ ‘ਚ ਮੌਜੂਦ ਹਨ । ਚੰਗੇ ਬੈਨਰ, ਵਧੀਆ ਵਿਸ਼ੇ, ਦਮਦਾਰ ਕਹਾਣੀਆਂ ਤੇ ਫਿਲਮਾਂ ਕਰ ਕਿ ਮਨਿੰਦਰ ਕੌਰ ਗਿੱਲ ਸਟਾਰ ਹੀਰੋਇਨ ਬਣਨ ਦੇ ਚਾਅ ਪੂਰੇ ਕਰਨਾ ਚਾਹੁੰਦੀ ਹੈ । ਉਸਦੇ ਭਵਿੱਖ ਲਈ ਸ਼ੁਭ-ਕਾਮਨਾਵਾਂ !
previous post